कुणा कुणाच्या आठवणी सांभाळत बसू
मनातील आक्रोश आवरत बसू
सहन करायचे आहेत वार अजुन हि बरेच
जुन्या जखमांना किती गोंजरत बसू
- महेश जाधव
शरीरं जाळून चूल पेटवण
या सारखी वाईट गरिबी नाही
आणि मन मारून जगत राहणे
या पेक्षा वाईट मरण नाही
- महेश जाधव
शांततेच्या मुक्या पणाचा
मला खूप राग येतो
मनातील आक्रोश ऐकू येतो
त्याचा मग त्रास होतो
- महेश जाधव
पौर्णिमेची रात्र असून ही
चांदण्याची चमचम मात्र नाही
त्यांना हि बहुतेक आता
माझे दुःख पाहवत नाही
- महेश जाधव
उन्हामुळे भेगाळलेल्या जमिनीवर
पाण्याच्या सहवासात हिरवळ पसरते
तिरस्कार मिळालेल्या माणसालाच
प्रेमाची किमत कळते
- महेश जाधव
अन्न पिकवणाराच आज
उपाशी पोटी मारतोय
कुणी विष पितोय
कुणी दोरखंडाला लटकतोय
- महेश जाधव
दुसर्याचे दुःख समजून घेण्याच्या
भानगडीत मी पडत नाही
त्यांच्या दुःखाशी तुलना करून
माझे दुःख मी वाढवत नाही
- महेश जाधव
रोज लाचार होऊन जगण्याची
मला हि खूप लाज वाटते
सोडून दिल असतं असं जगणं
पण मरणाची भीती हि खूप वाटते
- महेश जाधव
मी खूप स्वार्थी आहे
कुणालाहि माझं दु:ख देत नाही
आणि दिले तरी
माझं दु:ख काही कमी होत नाही
- महेश जाधव
मी एकदा स्वप्नात
सुख पहिले होते
आज मी दुखी आहे म्हणत
ते बिचारे खूप रडले होते
- महेश जाधव
