वीज कितीही गरजली तरी

मला कधीच शिवत नाही

मला वाटतं ती ही कधी

मेलेल्याला मारत नाही

- महेश जाधव

पाण्यावरती कमळ तरंगतात

दगड मात्र तळ गाठतात

काही माणसं सोडुन जातात

मनात मात्र कायम रहातात

- महेश जाधव

इतरांच्या मताचा विचार

मी आता करीत नाही

अंधार झाल्या शिवाय

मी घरा बाहेर पडत नाही

- महेश जाधव

मनावरील वाळवीच साम्राज्य

आता मला मान्य आहे

पोखरू दे मला आतून बाहेरून

जीवनच माझं शून्य आहे

- महेश जाधव

घड्याळा वरील जिवनात

वेळच आता पैसा झाली

सुख-चैनीच्या शर्यतीत

नाती-गोती दूरच राहिली- महेश जाधव

उंच उंच ईमारती वरुन

कौतुकान नजर फ़िरवताना

डोळे भरुन येतात

झोपडीत डोकावताना

- महेश जाधव